İstiazə (Allaha sığınmaq, yəni “əuzu billahi minəş-şeytanir-rəcim” demək)
Sual: Hər rükətdə (Fatihə surəsindən əvvəl) “istiazə”-ni demək müstəhəbdir, yoxsa yalnız birinci rükətdə?
Cavab: Yalnız birinci rükətdə.
Sual: Məsum imamlara (ə) “istiazə” etmək (sığınmaq) icazəlidirmi?
Cavab: İstiazə yalnız Allah-təalaya olmalıdır. Lakin Allahın izni ilə bəlaların dəf olunması üçün imamlara təvəssül etmək olar.
Sual: Namazın qiraətini başlamadan əvvəl istiazə etmək müstəhəbdirmi?
Cavab: Namazın birinci rükətinin qiraətinə başlamazdan əvvəl istiazə etmək (əuzu billahi minəş-şeytanir-rəcim) demək müstəhəbdir. Başqa hallarda isə tərk etmək daha münasibdir. Həmçinin “sədəqallahul-əliyyul-əzim” deməyin də hökmü eynidir.